女記者轉行表演棟篤笑：回望人生，悲劇變成笑話

​

「我覺得最好睇嘅都係經歷，因為除咗笑之餘會感受到嗰種痛，呢種係會最入到觀眾心。例如黃子華1991的演出『色情家庭』說到：『外國做棟篤笑有一個傳統，如果你長大嘅地方同我一樣就拍一拍手，表示對我哋長大嘅地方引以為榮。我喺一個破碎家庭入面長大。』跟住大家就笑，但你feel到呢種笑係有種痛係入面，我覺得呢種好勁，以前睇如果你來自破碎家庭會好傷心，但可能人大到某個年紀，家庭的影響慢慢減少，就可以好平靜咁當笑話講番件事。」

棟篤笑教識我，將所有唔開心嘅事變成一個笑話，甚至悲劇諗番轉頭都可以係好好笑，好痛苦、好傷心的事，終有一日都變成好笑的回憶。